煙酰胺 | 暗瘡肌用幾多%先啱？美容師前線實測

做美容院咁耐，煙酰胺係被問得最多嘅成分之一。好多客人喺網上睇到話美白淡印好勁，一返嚟就問可唔可以用10%。

但香港美容師都知，暗瘡肌唔係愈高愈好。根據我哋前線觀察，暗瘡肌由3%開始試，油性肌可以去到5%，耐受咗先再考慮更高濃度。重點唔係百分比，係配方嘅pH值同埋有冇配保濕成分一齊用。

如果用完覺得乾同刺痛，好大機會係濃度太急，或者同酸類成分疊加使用。建議分開早晚，或者隔日用，俾皮膚時間適應。

呢個就係點解我哋成份百科成日強調，睇成分唔止睇名，仲要睇膚質同香港天氣。